Tyi 16 de febrero, ya’ tyi Jamil (San Cristobal) Juan Jesús Vázquez Álvarez tyi yälä ity’añ “bajche’ mi ik’äjñel ili lakty’añtyak tyi k’eljultyak” tyi ñaxambä Foro: Las lenguas indígenas y los desafíos en el Siglo XXI, chajpäbilbä icha’añ INALI yik’oty Asociación Indígena Académica. Ya’ tyi ajli che’ yom ma’añ mi lajkäy lajk’äñ ity’añ laktyatyaña’ob cha’añ mi lakbe p’äty-isañ.
Ixku ijo’p’ejlel tyempajbäj cha’añ Forma y Análisis en Lingüística Maya (FAMLi V) mi ikejel tyi Antigua, Guatemala tyi agosto. Uju ba’añ ijuñilel aquí cha’añ mi lakchok majlel ty’añ chä’bä komla käl tyi 13 de mayo.
Ch’oyoloñ tyi Tila. Wa’li chumuloñ tyi Jamil (San Cristóbal), ba’ chonkoloñ tyi troñel, tyi CIMSUR, chukulbä tyi UNAM. Tyi kcha’le k’eljuñ tyi UNACH, ba’ tyi kmele klicenciatura cha’añ Antropología Social. Ya’i tyi kmele kmaestria cha’añ lingüística indoamericana tyi CIESAS-DF. Tyi yujtyi’bal tyi majli kmel kdoctorado cha’añ lingüistica de UT-Austin, tyi Estados Unidos. Mi kmuläñ kpäse’ tyi cursojtyak bajche’ mi mejlel laktsäts-isañ lakty’añ yik’oty chonkol jk’ele’ bajche’ mi laktsole’ ibi’tyal lakty’añ che’ mi lajk’äñe’.
Juan Jesús tyi Campanario
Ts’itya’ yom cha’añ mi ikeje ñaxambä tyempäñtyel cha’añ mi lajk’el bajche’ mi laklotybeñ ity’añtyak lakp’älob. Ya’ mi ikeje tyi Oxolotán tyi ibolomp’ejlel k’iñ tyi yujilel febrero, tyi Universidad Intercultural cha’añ Tabasco. Ma’añ tyojol mi lakochel. Mi keje lakchajpañ bajche’ yom mi lakmel laktroñel cha’añ mi ityempäñtyel ity’añ lakpi’älob tyi grabadorajtyak. Mu’tyo keje ichajpäñtyel cha’añ Yajalon je’el!
Juan Jesús Vázquez Álvarez mi keje yäl ili ty’añ: “Las lenguas indígenas en las políticas educativas”, tyi ñaxambä Foro: Las lenguas indígenas y los desafíos en el Siglo XXI, chonkolbä ichajpañ INALI yik’oty Asociación Indígena Académica, tyi ikaj Día Internacional de la Lengua Materna. Ya’ mi ikeje tyiAula Magna cha’añ Facultad de Derecho cha’añ UNACH, tyi Jamil (San Cristóbal de Las Casas), tyi febrero 16.
Tsa’ix tyejchi e’tyel cha’añ ityempäñtyel ity’añ laktyatyña’ob. Jessica Coon, Nicolás Arcos López, yik’oty Juan Jesús Vázquez Álvarez tyi ityempäyob ibäj tyi Jamil (San Cristóbal de Las Casas) ba’ tyi ichajpäyob Taller cha’añ documentation yik’oty transcription.
Jessica, Juan Jesús, yik’oty Nico
Ili Taller mi ikeje tyi Oxolotán, Tabasco yik’oty Yajalón, Chiapas tyi febrero, ba’ mi keje ipäsbeñtyel xkolelob chonkolo’tyobä tyi k’eljuñ bajche’ mi laktyempäbeñ ity’añ laktyatyña’ob, bajche’ mi ilojtyel yik’oty bajche’ mi ikäñtyäñtyel.
Mu’bä keje ik’äjñel tyi e’tyel!
Mu’tyo ke isujbel bajche’ mi ikejel li e’tyel tyi Taller!